Унинг таъкидлашича, ҳозирда вакцинанинг ҳар иккала дозасини олган одамлар ҳақида тўпланган маълумотлар айрим эмланганларда антитаначалар ишлаб чиқилгани, аммо айримларда иммунитет умуман шаклланмаганини кўрсатмоқда.
Мутахассиснинг сўзларига кўра, “Спутник V” билан қайта эмланиш мумкин. “Мен “Спутник V” билан эмланган одамларни биламан ва уларда антитанача ҳосил бўлган, кейин у тушиб кетган. Бу одамлар яна қайта икки дозада эмланди ва титр яна тикланди”, деди у.
Профессор, шунингдек, эмланмаган одамлар коронавирусни осон юқтириши мумкинлигини қўшимча қилди.
Ёзги турғунликдан кейин тўртинчи тўлқин бўладими ёки йўқми, деган саволга у, тўлқин назарияси йўқ, деб жавоб берди. “Бу шунчаки коронавирус бошланишида жамоатчилик онгига тушган бирон бир нарса”, деди у ва буни коронавирус инсониятни безовта қиладиган инфекциялар сирасига кириши билан изоҳлади. “Ва энди биз коронавирусга қарши баъзи бир мавсумий эмлашлар билан шуғулланишимиз керак”, деди у.
