Эндиликда одамлар саволларини Google’га эмас, сунъий интеллект чат-ботларига беришмоқда. Натижада уларга ҳаволалар эмас, тайёр жавоблар таклиф этилаяпти. Бу эса веб-сайтлардан фойдаланишларнинг кескин камайишига олиб келди.
Трафик қанчалик камайди?
Similarweb маълумотларига кўра, 2024 йил июнигача инсонлар томонидан амалга оширилган қидирувлар 15% га камайган. Илмий сайтлар 10%, Wikipedia ва шунга ўхшаш маълумотнома сайтлари 15%, тиббиётга оид сайтлар эса 31% гача трафик йўқотди. Dotdash Meredith каби йирик медиахолдинглар Google’дан олинаётган трафик 60% дан 35% га тушганини маълум қилмоқда.
Вужудга келаётган низолар
Кўплаб медиакомпаниялар AI компаниялари билан лицензия келишувлари тузиш ёки уларни судга бериш йўлини тутмоқда. News Corp, New York Times кабилар OpenAI, Perplexity, Amazon’га қарши суд даъвоси билан чиқишди. Бироқ АҚШ судлари, айниқса Калифорниядагилар сўнгги ишларда, кўпроқ AI томонни қўллаб-қувватламоқда.
Янги ечимлар
Cloudflare ва Tollbit каби компаниялар ботлардан тўлов ундиришни синаб кўрмоқда. ProRata эса AI жавоблари остидаги реклама даромадини манба сайтларга бўлиб бериш моделини таклиф қилмоқда. Масалан, Gist. ai 500 дан ортиқ контент сайтлари билан ҳамкорлик қилади.
Интернетнинг келажаги
AI сабаб сайтлардан инсонларнинг фойдаланишлари камайса-да, контентга бўлган талаб ошмоқда. Google маълумотига кўра, сўнгги 2 йилда веб 45% га кенгайган. Бу сунъий интеллект билан “ўқилаётган” саҳифалар кўпайганини кўрсатади.
Агар интернет веб-сайтларга асосланган моделда фаолиятини давом эттирмоқчи бўлса, контент яратувчилар ва AI ўртасида иқтисодий тизим жорий қилиниши шарт. Агар бунга эришилмаса, веб бутунлай ўзгариб кетиши мумкин.
