Мазкур учрашувда «Ўзбеккино» Миллий агентлиги томонидан ишлаб чиқарилаётган бадиий, ҳужжатли, мультипликацион фильмлар ҳамда миллий сериаллар, шунингдек, хорижий кинокомпаниялар билан ҳамкорликда фильмлар ишлаб чиқаришга тайёргарлик кўриш, суратга олиш жараёнларига Ўзбекистон Давлат санъат ва маданият институти талабаларини жалб қилиш, уларни кинематография соҳаси билан таништириш каби масалалар бўйича ҳамкорлик қилишга келишилди.
Шунингдек, талабалар кинематография соҳасига оид жараёнлар билан танишишлари, хорижий студиялар билан чет эл тажрибасини ўрганиши, Россияда хизмат кўрсатган артист Фарҳод Маҳмудовнинг «Парининг совғаси», таниқли продюсер Александр Кесселнинг «Қуёш лаззати» каби ко-продукциялар ва фильмлар ишлаб чиқариш босқичларида иштирок этишлари мумкин, деб хабар беради «Ўзбеккино» Миллий агентлиги матбуот хизмати.
