Худди гриппга ўхшаб вирусларнинг ҳаво томчи йўли орқали юқишидан вужудга келади. Хасталикка чалингач, дори-дармон воситалари қабул қилинмаса, иммун тизимининг ўзи вируслар билан курашиб, маълум вақт ўтганидан сўнг ғолиб келади. Бироқ барини иммун тизимининг зиммасига юклаб қўйиш нотўғри. Чунки паротит нафақат сўлак безларини зарарлайди, балки даво чоралари кўрилмаса, хасталик келгусида бепуштликка сабаб бўлади.
— Тепки асосан болалар касалланадиган вирусли юқумли касаллик бўлиб, касаллик 1/3 ҳолатларда белгиларсиз кечади.
— Тепкида сўлак бези, ошқозон ости бези, тухумдон ва марказий асаб тизимларининг йирингсиз яллиғланиши кузатилади.
— Кўпроқ қулоқ олди сўлак бези зарарланади.
— Тепки касаллигига чалинган одам йўталганда ва акса урганда ҳаво-томчи орқали юқади.
— Тепкига қарши қизамиқ ва қизилча билан бирлаштирилган вакцина (КПК) юборилади.
Интернет материаллари асосида Феруза Жўраева тайёрлади.
