Бу ҳақда халқ депутатлари Самарқанд вилоят кенгаши сессиясида маълум қилинган.
Таъкидланишича, 2020 йилнинг ўтган 9 ойи мобайнида Самарқандда вилоят болалар кўп тармоқли тиббиёт маркази “Кардиохирургия” бўлимида 270 нафар туғма ва орттирилган юрак нуқсони бўлган болаларда жарроҳлик амалиётлари бажарилган.
Жарроҳлик амалиётидаги зарур бўлган материалларини харид қилиш учун 1 миллиардга яқин маблағ бюджет ҳисобидан таъминланган.
Марказга бу йил маҳаллий бюджет ҳисобидан 5 миллиард сўм маблағ эвазига замонавий ангиограф аппарати олиб келиб ўрнатилган.
Москва шаҳридаги А.Бакулев номидаги “Юрак-қон томир хирургияси” илмий марказида шу соҳа бўйича клиник ординатурани ўтаган ва икки йил давомида ишлаган ватандошларимиз(ангиохирурглар) доимий ишлаш учун марказга таклиф этилган.
