Мазкур маросим доирасида икки ОТМ орасидаги ҳамкорлик масалалари муҳокама қилиниб, қўшма таълим дастурларини ишлаб чиқиш, илмий изланишлар олиб бориш ҳамда дипломдан кейинги таълимни ривожлантириш масалалари келишиб олинди. Хусусан, Соғлиқни сақлашда менежмент мутахассислиги бўйича қўшма магистрлик дастурларини очиш, Aкадемиянинг таълим дастурларини халқаро аккредитациядан ўтказиш, ҳамкорликда маҳаллий ҳамда хорижий журналларда, жумладан, Scopus, Web of Science базасига киритилган юқори индексацияга эга бўлган журналларда илмий мақолалар чоп этиш, иккала ОТМ профессор-ўқитувчиларини ўзаро семинар ва маърузаларни ташкил этиш, тиббий суғурта тизимини такомиллаштириш бўйича аниқ вазифалар белгилаб олинди.
Шунингдек, имзоланган Ҳамкорлик Битими доирасида ўзаро ҳамкорлик алоқаларини 2022-2024 йилларда ривожлантириш бўйича “Йўл Харитаси” тасдиқланди, дея хабар бермоқда Тошкент тиббиёт академияси ахборот хизмати.
