Уч кун давомида икки бўлимдан иборат бўлган шиддатли ўйинларнинг якуний натижаларига кўра Тошкент шаҳрининг “Eagles” жамоаси рақибларини 127:125 натижасига кўра ортда қолдириб, ғолибликни тантана қилди.
Асли ватани Англия бўлган ва миллионлаб ашаддий мухлисларига эга ҳисобланган крикет ёшларимизнинг севимли спорт турига айланиб бораётганини биргина ушбу икки жамоа ўртасидаги ўйин жараёнларидан ҳам сезиш мумкин. Боиси, жамоалардаги ҳар бир иштирокчининг зўр қизиқиш ва иштиёқ билан ўйинга берилиб кетиши, очко олишга эришса қувончдан бир-бирини қутлаши, аксинча эса янаям шиддат билан ўйинга киришиши ёшларни крикетга ошно бўлганидан далолат эди.
Ўзбекистон крикет федерацияси раиси Азиз Михлиев ғолиб жамоага диплом ва кубок топширди. “ANFA PHARMACEUTICALS” компанияси томонидан ҳам ушбу жамоага ҳомийлик сифатида 2 миллион сўм пул мукофоти тақдим этилди.
Шунингдек, турли номинациялар бўйича ҳам ғолиблар аниқланди. “Энг яхши ўйинчи” номинациясини Жамшид Мамарасулов қўлга киритган бўлса, “Энг яхши боулер (тўп отувчи)” номинациясига Жасур Эшмаматов, “Энг яхши бэтсмен (ҳимоячи)” номинацияга Ғолиб Тўйчиев эга бўлди.
Илҳом РАҲМОНОВ тайёрлади
