Маълумки, SARS-CoV-2 организмга буруннинг шиллиқ қавати орқали юқади. Бурун орқали интраназаль усулда антитаначаларни юбориш инфекцияга қарши курашишда муҳим роль ўйнаши мумкин.
Мутахассислар COVID-19га қарши вакцина учун кўп миқдорда антитаначаларни олишнинг арзон усулини топишди. Улар тухум қўядиган товуқларга SARS-CoV-2нинг бошоқ оқсилининг рецепторлари билан боғловчи домени (RBD)ни эмлаш тарзида юборишди.
Орадан икки-уч ҳафта ўтиб, товуқ тухумларида етарли миқдорда IgY антитаначалар борлиги аниқланди. Клиник синовнинг I фазаси олинган антитаначалар хавфсиз эканини, соғлом одамлар интраназаль томчи усулида уни яхши қабул қила олишини кўрсатди.
Товуқ орқали ҳосил қилинган IgY антитаначаларнинг афзаллиги шундаки, у иммун реакциялари хавфини камайтириш имкони беради.
Олимлар мазкур вакцинани ревматоид касаллиги бор, иммунитети паст бўлган одамлар, шунингдек, кексалар, болалар фойдаланиши мумкинлигини таъкидлашмоқда, деб ёзади korrespondent.net.
