Бу ҳақда у сешанба куни АҚШ Конгресси Вакиллар палатаси ва Сенатида мамлакатдаги вазият ҳамда ички ва ташқи сиёсатнинг устувор йўналишлари ҳақида сўзлаган нутқида шундай баёнот берди.
“Менинг маъмуриятим Панама канали устидан назоратни тиклайди ва биз буни аллақачон бошладик”, деди Трамп. “Марко Рубио бунга масъул бўлади. Омад тилаймиз, Марко. Энди нимадир нотўғри бўлса кимни айблаш кераклигини биламиз”, дея таъкидлади АҚШ Президенти.
Трампнинг таъкидлашича, “Американинг йирик компанияси Панама каналининг ҳар икки томонида бандаргоҳларни қўлга киритиш ниятини эълон қилган”. “Панама канали америкаликлар томонидан америкаликлар учун қурилган, бошқалар учун эмас, лекин бошқалар ундан фойдаланиши мумкин”, дея давом этди Оқ уй эгаси канални Панама ҳукуматига топшириш бўйича келишув “кўп марта қўпол равишда бузилган” деган фикрни билдирди. “Биз уни Хитойга бермадик, Панамага бердик ва қайтариб оламиз”, деди Трамп.
Аввалроқ Гонконгда жойлашган CK Hutchison Holdings компанияси Панама каналининг ҳар икки томонидаги бандаргоҳларни бошқарадиган шўба корхонасининг 90 фоиз улушини америкалик инвесторларга сотишини маълум қилганди. BlackRock Inc., Global Infrastructure Partners ва Terminal Investment Limited компанияларини ўз ичига олган инвесторлар гуруҳи, шунингдек, 23 мамлакатда 43 та бандаргоҳ ва 199 та причалга эгалик қилувчи ва бошқарадиган бошқа шўба корхоналарнинг 80 фоизини сотиб олади. Активларнинг қиймати 22,8 миллиард долларни ташкил этади.
Трамп бир неча бор далил келтирмасдан, Хитой канални назорат қилаётганини даъво қилган ва АҚШ уни қайта назорат қилиш истаги борлигини таъкидлаган. 20 январь куни у ўзининг инаугурацион нутқида Панама каналини “қайтиб олиш” ниятини маълум қилди. У аввалроқ 1999 йилда унинг назоратини топшириш бошқа давлатларга имтиёз эмас, балки “ҳамкорлик ишораси” эканлигини таъкидлаган эди, деб хабар беради tass.ru.
