Унинг таъкидлашича, бу қарор Покистон раҳбарияти мурожаати асосида қабул қилинган. Хусусан, Покистон бош вазири Шаҳбоз Шариф ва Қуролли кучлар қўмондони Асим Мунир томонидан Эронга қарши ҳарбий ҳаракатларни вақтинча тўхтатиб туриш сўралган.
Трамп ўз баёнотини тармоғида эълон қилиб, сулҳ режими Эрон томони ягона таклиф ишлаб чиққунга қадар ва музокаралар якунлангунча амал қилишини билдирган. Шу билан бирга, у АҚШ армиясига Ҳўрмуз бўғозида блокадани сақлаб қолиш ва тўлиқ жанговар шайликни таъминлаш бўйича кўрсатма берганини қайд этди.
Айни пайтда, Эроннинг агентлиги мамлакат делегацияси Исломободда ўтиши режалаштирилган музокараларнинг навбатдаги босқичида иштирок этишдан бош тортганини хабар қилди. Манбага кўра, бу қарор Покистон орқали АҚШга етказилган.
Эрон томони музокараларни «самарасиз» деб баҳолаб, Вашингтоннинг «ҳаддан ташқари талаблари» келишувга эришишга тўсқинлик қилаётганини билдирган.
Шунингдек, портали маълумотига кўра, АҚШ вице-президенти Ж. Д. Венcнинг Исломободга режалаштирилган ташрифи ҳам номаълум муддатга қолдирилган. Бу маълумот кейинчалик Оқ уй томонидан тасдиқланган.
