АҚШ президенти Доналд Трамп сешанба куни «муҳим бир одам»нинг афв этилишини эълон қилиш ниятида эканлигини айтди, деб хабар беради «Интерфакс».
«Эртага биз жуда муҳим кишини афв қиламиз» деди самолёт бортидаги Америка раҳбари мамлакат бўйлаб сафарида унга ҳамроҳ бўлган журналистларга. Таъкидланишича, бўлажак фармоннинг тафсилотлари ошкор қилинмайди, аммо Трампнинг тушунтиришича, гап унинг миллий хавфсизлик бўйича собиқ маслаҳатчиси Майкл Флин ёки Миллий хавфсизлик агентлигининг собиқ ходими Эдвард Сноуден ҳақида кетмаяпти. Трамп аввалроқ Россия Федерациясида бошпана олган Сноуденни афв этиш имкониятларини жиддий ўрганмоқчи эканлигини айтганди.
Адвокат Анатолий Кучерена яқин келажакда АҚШнинг Марказий разведка бошқармаси ва Миллий хавфсизлик агентлиги собиқ ходими Эдвард Сноуденни АҚШда, ўз ватанида кечирилиши мумкинлиги масаласини муҳокама қилишга тайёр эканини билдирганди. Эслатиб ўтамиз, Сноуденнинг Россияда яшаш ҳуқуқи апрелда тугаган, аммо коронавирус пандемияси туфайли бу муддат узайганди.
