Туркия ўт ўчирувчилари ўтган ҳафта давомида мамлакатдаги ўрмон ёнғинларининг кўп қисмини ўз назоратига олишди, дея маълум қилди Anadoly ахборот агентлиги.
Бу ҳақда сешанба куни ўтказилган брифингда Туркия қишлоқ ва ўрмон хўжалиги вазири Бекир Пакдемирли айтишича, 28 июлдан 3 августгача мамлакатнинг 38 провинциясида содир бўлган 163 ёнғиннинг 152 таси ўчирилган. Ўрмон ёнғинларини ўчиришда иштирок этадиган амфибия самолётлари сони 3 тадан 6 тага, вертолётлар сони 45 тадан 57 тага кўпайган. Шу тариқа, ёнғинни ўчиришга жами 72 та самолёт жалб қилинган.
