Бокс қироли, афсонавий Мухаммад Али асли япониялик бўлган ММА вакили билан ҳам жанг қилганини эшитганмисиз?
1976 йилда Мухаммад Али ўз фаолиятининг чўққисига чиққан ва боксда тенги йўқ дея ном олган пайтларда, япониялик реслинг устаси Антонио Иноки ўртасида ўзгача жанг ташкил қилинган.
Жанг кўпчилик кутганчалик қизиқарли ўтмаганлиги боис, ҳозирда у ҳақда деярли ҳеч ким эсламайди.
Чунки 10 раундни япониялик рестлер деярли тўлиқ ерга ётган ҳолда ўтказиб, фақатгина Алининг оёғига зарба бериш билан кифояланган.
Али ҳам, ўз навбатида, “ётиб” жанг қилаётган ноқулай рақибига нисбатан деярли ҳеч нима қила олмаган.
Бокс ва реслинг спортларининг аралаш қоидалари билан ўтказилган ушбу жангда дурранг қайд этилган.
