Ўзбекистон Республикаси Вазирлар Маҳкамасининг 2021 йил 28 апрелдаги “Моддий ёрдам ва кўмакка муҳтож оилаларни, хотин-қизлар ва ёшларни ижтимоий қўллаб-қувватлаш бўйича қўшимча чора-тадбирлар тўғрисида”ги қарори ижроси доирасида Урганчда “Маҳалла” хайрия жамоат фонди Хоразм вилоят бўлим бошқаруви унинг Урганч шаҳар бўлинмаси томонидан улуғ айём — Қурбон ҳайти байрами арафасида “Ҳеч ким меҳр ва эътибордан четда қолмасин” шиори остида хайрия тадбири ўтказилди.
Фонд бошқаруви, унинг Урганч шаҳар бўлинмаси ходимлари Урганчнинг “Ҳамжиҳатлик”, “Жинговуз”, “Ашхабод” маҳалла фуқаролар йиғинлари ҳудудида истиқомат қилиб келаётган ижтимоий ҳимояга муҳтож, кекса ёшдаги фуқаролар, ногиронлиги бўлган шахслар, ёлғиз қариялар, кам таъминланган, боқувчисини йўқотган оилалар ҳолидан хабар олиб, муборак Қурбон ҳайити байрами билан қутлаб, фонд ҳисобидан уларга совғалар улашди.
“Маҳалла” хайрия жамоат фонди
Хоразм вилоят бўлими матбуот хизмати
