O'zbekiston Respublikasi Vazirlar Mahkamasining 2021 yil 28 apreldagi “Moddiy yordam va ko'makka muhtoj oilalarni, xotin-qizlar va yoshlarni ijtimoiy qo'llab-quvvatlash bo'yicha qo'shimcha chora-tadbirlar to'g'risida”gi qarori ijrosi doirasida Urganchda “Mahalla” xayriya jamoat fondi Xorazm viloyat bo'lim boshqaruvi uning Urganch shahar bo'linmasi tomonidan ulug' ayyom — Qurbon hayti bayrami arafasida “Hech kim mehr va e'tibordan chetda qolmasin” shiori ostida xayriya tadbiri o'tkazildi.
Fond boshqaruvi, uning Urganch shahar bo'linmasi xodimlari Urganchning “Hamjihatlik”, “Jingovuz”, “Ashxabod” mahalla fuqarolar yig'inlari hududida istiqomat qilib kelayotgan ijtimoiy himoyaga muhtoj, keksa yoshdagi fuqarolar, nogironligi bo'lgan shaxslar, yolg'iz qariyalar, kam ta'minlangan, boquvchisini yo'qotgan oilalar holidan xabar olib, muborak Qurbon hayiti bayrami bilan qutlab, fond hisobidan ularga sovg'alar ulashdi.
“Mahalla” xayriya jamoat fondi
Xorazm viloyat bo'limi matbuot xizmati
