Ушбу партия сертификат ва бошқа рухсат берилган ҳужжатлар билан тасдиқланган мувофиқлик ва сифат бўйича барча керакли синовлардан муваффақиятли ўтди. Қозоғистонда конвеерлардан биринчи трактор 2022 йилнинг биринчи кварталида чиқади. Ишлаб чиқариш ҳажми йилига 500 донани ташкил этиш режалаштирилган.
Қозоқ-ўзбек қўшма дистрибютерлик компанияси Бастау КCТ томонидан Туран тракторларини сотиш ва кейинчалик бошқа қишлоқ хўжалиги техникалари савдоси ташкил этилади.
Қозоғистон Республикасида қишлоқ хўжалиги техникаси, шу жумладан тракторлар ишлаб чиқариш ва сотишни ривожлантириш доирасида Ўзавтосаноат ва Агромашхолдинг КЗ АЖ (Қозоғистон) қишлоқ хўжалиги машинасозлиги соҳасида стратегик шериклик тўғрисида тузилган битим туфайли қўшма ҳамкорликка эришилди.
Ушбу келишувга Ўзбекистон Республикаси Президенти Шавкат Мирзиёевнинг Нур-Султонга давлат ташрифи доирасида бўлиб ўтган Қозоғистон-Ўзбекистон ишбилармонлар кенгашининг IV йиғилишида эришилди.
Маҳаллий ишлаб чиқарилган Турон универсал трактори 82 от кучига эга двигатели 1.4 даражадаги универсал қишлоқ хўжалиги тракторидир. Ҳар хил қишлоқ хўжалиги ишлари учун ўрнатилган, ярим ўрнатилган ва трейлерли машиналар ҳамда асбоблар билан жиҳозланган.
