Гамалея номидаги Миллий эпидемиология ва микробиология илмий тадқиқот маркази директори Александр Гинцбург коронавирусга қарши вакцинани тадқиқ қилишнинг III босқичи 7-10 кун ичида бошланиши мумкинлигини айтди.
ТАССга берган интервьюсида Гинцбург 17 август, душанба куни институт кейинги тадқиқотлар учун протоколнинг биринчи версиясини тақдим этади, шундан сўнг Соғлиқни сақлаш вазирлиги кутилаётганидек, клиник синовларнинг III босқичи бошланишини тасдиқлайди.
Гинцбург коронавирусга қарши вакцинанинг сўнгги тадқиқот босқичида бир неча ўн минглаб одамлар қатнашиши мумкин деб ҳисоблайди. Тадқиқот Москва ҳудудида ўтказилади, чунки эмлаш ва ҳисоб-китоб учун барча зарур инфратузилма мавжуд.
Росздравнадзор матбуот хизмати, ўз навбатида, препаратни рўйхатдан ўтказгандан сўнг, клиник синовларда икки минг киши қатнашишини айтди.
Гинцбургнинг ТАСС агентлигига маъум қилишича, вакцинанинг фуқароларга қўлланилиши тадқиқотнинг III босқичидан бир ой ўтгач бошланади, аммо мамлакатнинг барча аҳолиси дарҳол вакцина олиш имкониятига эга бўлмайди.
