Сув ости иншоотида серверлар оғирлиги тахминан 1433 тонна бўлган ёпиқ капсула ичида жойлашган. Қурилишнинг биринчи босқичи якунланганидан сўнг мажмуа ўз фаолиятини бошлаган бўлиб, сайёҳлик иловаларидан тортиб, ресторанларни тавсия қилиш тизимларигача бўлган рақамли хизматларни тақдим этади.
Совитиш учун катта миқдорда энергия сарфлайдиган анъанавий маълумотлар марказларидан фарқли ўлароқ, янги комплекс денгиз сувини табиий совитишдан фойдаланади. Ҳар бир капсула тахминан 35 метр чуқурликка жойлаштирилган ва 500 тагача серверни сиғдира оладиган 24 та сервер токчасини ўз ичига олади.
Лойиҳа Хайнань эркин иқтисодий зонасини ривожлантиришнинг асосий элементига айланди, бу ерда денгизни тадқиқ қилиш, рақамли хизматлар ва “ақлли” ишлаб чиқаришни қўллаб-қувватлаш учун 100 та шундай сув ости маълумотлар марказлари тармоғини ташкил этиш режалаштирилган, деб хабар берди korrespondent.net.
Бундан ташқари, Хитой Хайнань, Шанхай, Шэньчжэн ва Пекиндаги маълумотлар марказлари ва телеком-компанияларга тўлиқ хорижликларнинг эгалик қилишга рухсат берди. Таҳлилчиларнинг таъкидлашича, бу маълумотларни қайта ишлашга янги халқаро сармоя киритиш учун замин яратади.
