Унда қайд этилишича, шу йилнинг апрель ойи охирларида Чжэньцзян шаҳридан бўлган 41 ёшли эркакнинг иссиғи кўтарилган. Орадан бир неча кун ўтиб, аҳволи ёмонлашгач, шифокорга мурожаат қилган ҳамда тезда шифохонага ётқизилган.
Касалликлар назорати ва профилактикаси миллий маркази томонидан бемордан таҳлил олинганида, у ҳақиқатдан ҳам H10N3 инфекциясини юқтириб олгани маълум бўлди. Бемор билан алоқада бўлган барча инсонлар тезда тиббий назоратга олинди. Ҳозирча уларда касалланиш ҳолатлари қайд этилмади.
Маълумот учун: мазкур инфекция паррандаларда учрайди. Геном таҳлили мазкур инфекция одамларга юқиш эҳтимоли жуда кам эканини исботлаганди. Шундай бўлса-да, одамнинг ушбу инфекцияни юқтириши билан боғлиқ илк ҳолат қайд этилди.
