Парранда гриппи билан касалланган эркакнинг ёши 55да. Тана ҳарорати кўтарилиши туфайли шифохонага олиб келинган беморда бир неча кун ўтиб, H5N6 вируси аниқланган.
Касалликлар назорати ва профилактикаси бўйича маҳаллий экспертларнинг айтишича, гап H5N6нинг паррандадан одамга юқиши ҳақида кетмоқда. Вируснинг одамдан одамга юқиши билан боғлиқ ҳолат ҳали кузатилмаган. Касалликнинг кенг тарқалиши эҳтимоли ҳам жуда кам.
Эслатиб ўтамиз, одамнинг парранда гриппининг бошқа тури — H10N3 билан касалланиши билан боғлиқ дунё бўйича илк ҳолат 1 июнь куни Хитойда қайд этилган эди.
