Тарихчиларнинг ёзишича, бундай кийимни Бухородаги чорва бозори солиқчисининг хотини кийган.
Либос еттита элементни ўз ичига олади. Ички кўйлак оқ маҳаллий пахта матосидан тикилган, тамбур нақши билан безатилган. Бичими анъанавий бўлиб, кўкрак қисмига кашта қавилган. Ёқаси ўйма, узун кенг енглари шаффоф мато билан қопланган.
Устки кўйлак — куртаи-зардўзи нозик пушти ипакдан тикилган, ялтироқ ингичка чизиқлар билан безатилган. Либоснинг асосий безаги ажойиб зар ипли кашталардир.
