Ўзбекистон фуқаролари учун хорижда консуллик масалаларини ҳал этишни енгиллаштирувчи янги мобил илова ишга туширилди.
Илованинг асосий қулайликлари:
- Консуллик маълумотлари — Ўзбекистоннинг хориждаги барча консуллик муассасалари манзиллари, телефон рақамлари ва ҳудудий тегишлилигини аниқлаш имконияти.
- Ариза бериш — Ватанга қайтиш гувоҳномасини расмийлаштириш, вақтинчалик ёки доимий консуллик рўйхатига туриш учун масофадан ариза топшириш.
- Автоматик тўлдириш — анкета ва аризалардаги мажбурий майдонларнинг қарийб 80 фоизи автоматик тарзда тўлдирилади.
- Виза талаблари — Ўзбекистон фуқаролари учун хорижий давлатларга кириш визаси шартлари ҳақида долзарб маълумотлар тақдим этилади.
