Маълум қилинишича, Boeing 787 самолёти экипажи бортдаги йўловчилардан бирининг соғлиғи кескин ёмонлашгани сабабли муқобил аэродромга қўнишга қарор қилган.
Самолёт Самарқандга Тошкент вақти билан соат 03:40 да қўнган. 1959 йилда туғилган Франция фуқароси бўлган йўловчига тезкор тиббий ёрдам кўрсатилди. Дастлабки маълумотларга кўра, унда юрак хуружи гумон қилинмоқда.
Йўловчи ва унга ҳамроҳ бўлган икки нафар шахс қўшимча текширув ҳамда даволаниш учун тиббиёт ходимларига топширилди.
Зарур амалий ишлар якунлангач, парвоз давом эттирилди. 05:11 да Turkish Airlines авиакомпаниясининг самолёти Истанбул томон учиб кетди.
