Эртага республика ҳудудининг катта қисмида ёғингарчиликсиз об-ҳаво сақланиб туради, фақат шимолий ҳудудларга Каспий денгизи ҳудудларидан нам ҳаво массалари кириб келади, бунинг ҳисобига фақат кечки соатларда Қорақалпоғистонда ва Хоразм вилоятида бироз ёмғир ёғиши кузатилади. Ҳаво ҳарорати кечаси 2° совуқ-3° илиқни ташкил этади, кундузи 14-17° илиқгача кўтарилади.
Якшанба куни кўпчилик вилоятларда ёмғир ёғиши кузатилади. Тоғларда ёғингарчилик, баъзи жойларда кучли бўлади. Республиканинг шимолида бироз ёмғир ёғиши эрталаб тўхтайди. Ҳарорат кечаси 0-5° илиқ атрофида бўлади, кундузи 8-13° илиққача пасаяди.
Республика бўйича баъзи жойларга туман тушиши кутилмоқда, деб хабар беради Ўзбекистон гидрометеорология хизмати маркази.
