Шу кунгача саратон касаллиги биопсия, яъни патологик марказдан ҳужайралар ёки тўқималарни олиб, уларни микроскоп остида текшириш орқали аниқланиб келмоқда. Биопсия ўсма касалликларига шубҳа мавжуд бўлган ҳолларда олинади.
Aнглиялик олимлар ишлаб чиққан тест онкология соҳасида катта ўзгаришларга сабаб бўлишини кўпчилик шифокорлар таъкидламоқда. Айни тест ёрдамида саратоннинг 50 турини аниқлаш мумкин бўлади.
Аллақачон “суюқ биопсия” номини олган янги усул қондаги саратон ҳужайраларининг ДНК фрагментларини аниқлашга асосланади. Одатда бундай фрагментлар ўсимта пайдо бўлганда ва қон томирлари билан ўсган пайтда, лекин КТ, ултратовуш ва МРТда ҳали кўринмаганда аниқланади.
Янги тестнинг кенг кўламли синовлари аллақачон бошланган, унда 50 ёшдан 77 ёшгача бўлган 40 минг кўнгилли иштирок этмоқда. Мутахассислар уларнинг қон таҳлилини ўтказадилар ва бир йилдан сўнг, кейин яна икки йилдан сўнг қон таҳлили қайта ўтказилади.
