Қурилиш ва уй-жой коммунал хўжалиги вазирлиги кўп қаватли уйлардаги ноқонуний қурилмаларни аниқлаш тадбирларини пойтахтимизнинг Янгиҳаёт туманида давом эттирмоқда.
Туманнинг “Янги турмуш” МФЙда жойлашган “Мегаполис билдинг” МЧЖ томонидан 2021 йил қуриб битказилган кўп қаватли уйнинг мансарда қисмида мулкдорлар томонидан ноқонуний равишда қўшимча “уй” қурилган.
Мазкур уйга хизмат кўрсатувчи бошқарув ташкилотларининг бир неча бор огоҳлантиришлари ҳам мулкдорларни ушбу фикрдан қайтармаган.
Айни пайтда мулкдорларга нисбатан маъмурий чора кўрилиб, ноқонуний қурилмаларни 15 кун ичида бартараф этиш бўйича кўрсатма берилди.
