Ўзбекистон Республикаси Ипакчилик ва жун саноатини ривожлантириш қўмитаси раиси Баҳром Шарипов иштирокида бўлиб ўтган семинарда пиллачиликка алоҳида эътибор берилаётгани, соҳани ривожлантириш йўлида қандай агротехник тадбирларни амалга ошириш ва нималарга эътибор қаратиш лозимлиги хусусида сўз борди.
Семинар давомида 8 гектар ер майдонида тут кўчатлари экиш ишлари бошлаб юборилди.
Режага кўра, жорий йил туманда 1,6 миллион туп тут кўчатлари экилиши кўзда тутилган.
Шунингдек, йил давомида 2 минг 709 қути ипак қуртлари парваришланиб, 154 тонна тирик пилла етиштирилади.
