Чемпионатда қитъамизнинг 12 давлатидан 100 нафардан зиёд иқтидорли полвонлар ғолиблик учун беллашди.
Мусобақада иштирок этган ҳамюртларимиздан 13 нафари шоҳсупанинг энг юқори поғонасига кўтарилди. Шунингдек, Осиё чемпионатида яна битта кумуш ҳамда 4 та бронза медалини қўлга киритган ёш курашчиларимиз умумжамоа ҳисобида 1-ўринни эгаллади.
Маълумот ўрнида таъкидлаш жоизки, Осиё чемпионати ғолиблари бугун, 9 сентябр куни куннинг иккинчи ярмида Ислом Каримов номидаги Тошкент халқаро аэропортида тантанали равишда кутиб олинади.
