Хусусан, Мирзо Улуғбек туманида қиймати 86,1 миллион доллар бўлган 150 МВт қувватли (300 МВт·соат) энергия сақлаш тизими қурилиши бошланди.

Шунингдек, келгусида AMEA Power билан ҳамкорликда Ғиждувон туманида 200 МВт қувватли (800 МВт·соат) энергия сақлаш станциясини барпо этиш режалаштирилган. Мазкур лойиҳанинг умумий қиймати 200 миллион долларни ташкил этади.

Бундан ташқари, Қўнғирот туманида қиймати 1,06 миллиард доллар бўлган 1 000 МВт қувватли шамол электр станцияси ҳамда 40 километр узунликдаги электр узатиш тармоғини қуриш лойиҳаси амалга оширилмоқда.

Мутахассислар фикрича, ушбу лойиҳалар Ўзбекистон энергетика инфратузилмасини мустаҳкамлаш, қайта тикланувчи энергия манбаларини кенгайтириш ҳамда энергия таъминоти барқарорлигини оширишга хизмат қилади.