Тўртинчи марта ташкил этилган танловда тўққизта номинация бўйича 46 нафар финалчи ғолиблик учун курашди. Улар орасида Ўзбекистондан 15 нафар номзод иштирок этди. Бу кўрсаткич 2024 йилда 9 нафарни, 2025 йилда эса 3 нафарни ташкил этган.
Мукофот қуйидаги тўққизта йўналиш бўйича топширилди: «Aspiring Teen», «Most Disruptive», «Best Ally», «Most Impactful Initiative», «Woman in Web3», «Tech Diplomacy», «Start-Up», «Global Leadership» ва «Lifetime Achievement».
Ўзбекистонлик ғолиблар:
Aspiring Teen Award — Дилафрузхон Жўрабоева;
Best Ally Award — Анора Амирова;
Start-Up Award — Мафтуна Каримова, Femmy стартапи асосчиси;
Global Leadership Award — Умматой Йўлдошева.
Минтақавий босқич ғолиблари 2026 йил 3 декабрь куни Париж шаҳрида бўлиб ўтадиган «Women in Tech Global Awards» халқаро мукофотининг глобал босқичида Кавказ ва Марказий Осиё минтақаси номидан иштирок этади.
Таъкидлаш жоизки, «Women in Tech CCA Awards» маросими 2024 йилда ҳам Тошкентда ўтказилган. Танловнинг Ўзбекистонда ташкил этилиши хотин-қизларнинг технологиялар соҳасидаги иштирокини кенгайтириш, уларнинг салоҳиятини намоён этиш ҳамда минтақавий ва халқаро ҳамкорликни мустаҳкамлашга қаратилган саъй-ҳаракатларнинг бир қисми ҳисобланади.
