Украина етакчисининг фикрича, бу даражадаги музокаралар “қандайдир натижа” билан якунланиши керак, деб хабар берди kommersant.ru.
“Америкалик ҳамкорларимиз бизга Путин мени Москвага таклиф қилганини айтишди. Агар учрашув бўлишини истамасангиз, Москвага таклиф қилишингиз керак, деб ўйлайман. Менимча, Россия учрашув ҳақида гапира бошлагани – бу энди ёмон эмас дегани. Лекин ҳозирча биз уларнинг урушни тугатиш истагини кўрмаяпмиз”, деди Владимир Зеленский Париждаги “ирода коалицияси” йиғилиши якунлари бўйича ўтказилган матбуот анжуманида.
Владимир Путин бир кун аввал журналистларга Владимир Зеленский билан учрашиш имкониятини истисно қилмаслигини айтганди. “Агар Зеленский тайёр бўлса, у ҳолда Москвага келсин. Мазкур учрашув бўлиб ўтади”, деган эди Россия Президенти.
