- Антибиотикҳо ҳарорати баданро паст намекунанд. То 38 дараҷа боло рафтани ҳарорат меъёр аст. Чунки агар вирус ба организми инсон ворид шавад, ҳарорати бадан то 38 дараҷа боло меравад, то бадан бо вирус мубориза барад ва ҳуҷайраҳои масуният ташаккул ёбад. То ба ин дараҷа баланд шудани ҳарорати бадан хатарнок нест.
Ҳангоми то 38 дараҷа баланд шудани ҳарорати бадан инҳо тавсия дода мешаванд:
- Нӯшокиҳои аз витамини С бой, беҳтараш дар як рӯз беш аз 3-4 литр моеъ бинӯшед (чой бо лимӯ, малина, бо шаҳд, чойи оддии сиёҳ ё сабз. Ин, дар навбати худ, пеши роҳи беобшавии ҳуҷайраҳо ва бофтаҳо, хунравиро гирифта, ҳароратро паст мекунад;
- Гулӯ ва биниро бо маҳлули физикӣ ё содаи хӯрокворӣ дар як рӯз зиёда аз 8 маротиба ғарғара кунед;
- Бо оби гарм, бо спирти 70% молидани бадан низ ба паст шудани ҳарорат мусоидат мекунад.
Агар ҳарорати бадан аз 38 дараҷа боло бошад - аз рӯи синну сол:
- 100-125 мг барои кӯдаки то 1-сола;
- 125-50 мг барои кӯдакони аз 1 то 5 сола;
- Танҳо дар синни 5-солагӣ, вояи 500 мг парацетамол ё ибупрофенро истеъмол кунед. Аммо, шумо бояд фавран ба духтури оилавӣ муроҷиат кунед!
Пеш аз омадани духтури оилавӣ, моеъи аз витамини С бойро дар як рӯз аз 3-4 литр зиёдтар нӯшидан лозим аст.
Дар ҳолатҳои истисноӣ, агар то омадани духтур зиёда аз 4-6 соат гузашта бошад ва дар ин муддат ҳарорат аз 38 дараҷа боло равад, бояд парасетамолро дубора истеъмол кард, хабар медиҳад хидмати матбуоти Вазорати тандурустӣ.
