Зимни чорабиниҳо ва вохӯриҳои аъзои ҳайат бо масъулини Раёсати Созмони Милали Муттаҳид оид ба маводи мухаддир ва ҷинояткорӣ (UNODC), масъалаҳои мубориза бо гардиши ғайриқонунии маводи мухаддир дар ҷумҳурӣ, корҳое, ки дар ҷумҳурӣ тавассути ҳамкории фаромарзӣ дар доираи лоиҳаҳо ва барномаҳои байналмилалӣ амалӣ мегарданд, баррасӣ шуданд.
Мавқеи ҷумҳурӣ оид ба Афғонистон эълон шуда, дар бораи кумаки ҷониби Ӯзбекистон ба мардуми Афғонистон, иштироки Тошканд дар татбиқи лоиҳаҳои бузурги инфрасохторӣ дар ин кишвар, фаъолияти Хаби байналмилалии оид ба нақлиёт ва логистика ва Кластери таълимӣ дар шаҳри Тирмиз, инчунин ташаббуси роҳбарияти ҷумҳурӣ дар мавриди таъсиси гурӯҳи байналмилалии гуфтушунид таҳти шафоати СММ маълумот дода шуд.
Таъкид гардид, ки Афғонистон як ҷузъи ҷудонашавандаи Осиёи Марказӣ аст ва сулҳи пойдор дар ин кишвар гарави суботу шукуфоии тамоми минтақа аст, хабар медиҳад хабаргузории «Дунё».
Ба гуфтаи шахсони расмии Раёсати Созмони Милали Муттаҳид оид ба маводи мухаддир ва ҷинояткорӣ, Ӯзбекистон дар заминаи иҷрои Паймони Париж ва мубориза бо қочоқи маводи мухаддири Афғонистон як кишвари калидӣ дар Осиёи Марказӣ аст. Онҳо нақши муҳими маркази тадқиқотиро оид ба таҳлил ва мониторинги вазъият дар Афғонистон, ки дар Ӯзбекистон таъсис ёфта, дар ба даст овардани маълумоти муосири омори марбут ба қочоқи маводи мухаддири Афғонистон нақши калидӣ мебозад, таъкид намуданд.
