Дар лоиҳа беш аз 12 ҳазор духтари муҳандис аз 108 кишвари
ҷаҳон иштирок мекунанд, ки дар байни онҳо ду намояндаи Ӯзбекистон низ ҳастанд.
Бо дастгирии Uzcosmos онҳо марҳилаҳои интихоб ва омодагии
таълимиро бомуваффақият гузашта, имкони иштирок дар васли амалии модули муҳандисии
моҳвораи ShakthiSAT-1-ро ба даст оварданд.
Ҳадафи асосии лоиҳа васеъ намудани иштироки духтарон дар
самтҳои STEM, аз ҷумла муҳандисии кайҳонӣ ва технологияҳои кайҳонӣ, инчунин
фароҳам овардани шароит барои омода намудани насли нави занони муҳандис ва
мутахассисони соҳаи кайҳон мебошад.
Иштирок дар барнома ба духтарон имкон медиҳад, ки дар соҳаҳои
муҳандисии кайҳонӣ, технологияҳои моҳвораӣ ва таҳияи низомҳои кайҳонӣ таҷрибаи
амалӣ ба даст оранд.
Лоиҳа ҳамчунин ба рушди ҳамкориҳои байналмилалӣ ва
табодули таҷриба миёни мутахассисони ҷавон аз кишварҳои гуногун мусоидат
мекунад.
