Бино ба маълумоти пешакии Шӯъбаи консулии Сафорати Ӯзбекистон дар Маскав, дар хонаи сӯхта тақрибан 20 шаҳрванди хориҷӣ ба сар мебурданд, ки 11 нафари онҳо шаҳрвандони кишвари мо будаанд, хабар медиҳад АИ “Дунё”.
Бар асари сӯхтор 8 нафар шаҳрвандон ба ҳалокат расидаанд, ки феълан шахсияти онҳо муайян карда мешавад. Дар миёни ҳалокшудагон шаҳрвандони Ӯзбекистон низ ҳастанд. Дар ҳоли ҳозир ҷасади қурбониён дар Бюрои экспертизаи тиббии судии шаҳри Истра барои муайян кардани шахсияти ҷасадҳо қарор дорад.
Бар асоси ин далел, мақомоти тафтишотӣ бар асоси моддаи 109-и Кодекси ҷиноии Русия (Сабаби марг аз беэҳтиётӣ) парвандаи ҷиноӣ боз кардааст.
Вазъият таҳти назорати шӯъбаи консулии сафорат ва намояндагии Агентии муҳоҷирати меҳнатии хориҷӣ дар Маскав қарор дорад.
