Дар мулоқот ҷонибҳо масъалаҳои тавсеаи минбаъдаи ҳамкориҳоро дар самти рушди ҳамлу нақли байналмилалии бор тавассути нақлиёти автомобилӣ, фароҳам овардани шароити мусоид барои ҳамлу нақлҳои миллӣ баррасӣ карданд.

Аз ҷумла, ҷанбаҳои марбут ба афзоиши ҳаҷми ҳамлу нақли бор ба кишварҳои Иттиҳоди Аврупо тавассути Булғористон бо истифода аз масири байналмилалии ҳамлу нақли Транскаспий баррасӣ шуданд.

Пас аз мулоқот варақаҳои иловагӣ иҷоза барои соли 2024 иваз карда шуданд. Ҳамчунин мувофиқа шуд, ки варақаҳои иҷозат барои соли 2025, яъне 15 маротиба зиёд аст.

Ёдовар мешавем, ки бо мақсади рушди ҳамлу нақли бор ба кишварҳои Иттиҳоди Аврупо тавассути диверсификатсияи хатсайрҳои мавҷуда ва рушди долонҳои алтернативии нақлиётӣ аз 1 апрели соли 2024 бо Руминия оид ба татбиқи ҳамлу нақли дуҷониба ва транзитӣ дар система бидуни иҷозатнома созиш ҳосил шуд.