Рӯзи ҳафтуми Бозиҳои БРИКС дар Қазон барои ҳайати Ӯзбекистон пурсамар буд. Дар ин рӯз ҳамватанони мо тавонистанд, ки 1 медали тилло, 1 нуқра ва 3 биринҷӣ ба даст оварда, хазинаи тими миллии кишварро пур кунанд.
Ғолибон ва ҷоизадорон:
Медали тилло:
Артур Гулиев (каноэ, 200 метр)
Медали нуқра:
Нигина Собирова (гӯштини занон, -62 кг)
Медали биринҷӣ:
Дилфуза Айимбетова (гӯштини занон, -59 кг)
Динора Рустамова (гӯштини занон, -65 кг)
Светлана Окназарова (гӯштини занон, -72 кг)
Ба иттилои хидмати матбуоти КМО, пас аз анҷоми рӯзи ҳафтуми Бозиҳои БРИКС ҳайати Ӯзбекистон бо 4 медали тилло, 13 нуқра ва 21 биринҷӣ дар сабқати дастаҷамъӣ пас аз тимҳои Русия, Беларус ва Чин ба мақоми чаҳорум баромад.
Дар Урдун чемпионати Осиё оид ба гӯштии то 17-сола оғоз шуд. Дар рӯзи аввали мусобиқа номи ғолибону ҷоизадорон оид ба гӯштии юнониву румӣ маълум шуд. Боиси хушнудист, ки ҳамватанони мо тавонистанд 3 медали тилло, 3 нуқра ва 1 биринҷӣ ба даст оранд.
Президенти Ҷумҳурии Ўзбекистон Шавкат Мирзиёев ба Президенти Федератсияи Русия Владимир Путин ба муносибати ҳамлаҳои террористӣ дар шаҳрҳои Дербент ва Махачқала, ки боиси қурбониҳои зиёд байни кормандони мақомоти ҳифзи ҳуқуқ ва шаҳрвандон гардид, ҳамдардии амиқ изҳор намуд.
Президенти Муғулистон Ухнаагийн Хурэлсух, ки рӯзи 23 июн бо сафари давлатӣ ба Ӯзбекистон омад, ҳамроҳи ҳамсараш Болотсэтсэг Лувсандорҷ аз боғи «Ӯзбекистони нав» дидан намуда, ба пояи муҷассамаи Истиқлолият гул гузошт.
Ӯзбекистон омода аст бо Беларус барои ноил шудан ба Ҳадафҳои рушди устувор ҳамкориҳои васеъ ба роҳ монад. Дар ин бора Сафири Фавқулода ва Мухтори Ӯзбекистон дар Беларус Раҳматулло Назаров дар Минск дар ҳошияи Форуми дуюми миллӣ оид ба рушди устувор изҳор дошт.
Мулоқоти вазири технологияҳои рақамӣ Шерзод Шерматов ва президенти ширкати Huawei оид ба Шарқи Наздик ва Осиёи Марказӣ ҷаноби И Сян бо мақсади идомаи ҳамкориҳои минбаъда оид ба ҷорӣ намудани технологияҳои рақамӣ дар бахшҳои гуногуни иқтисодиёт ва соҳаҳои иҷтимоӣ ва навсозии инфрасохтор баргузор гардид.
