Дар ҳавопаймои аввал 290 мусофир, аз ҷумла сайёҳон, операторони ширкатҳои бузурги сайёҳии Испания, рӯзноманигорон ва блогерҳо буданд.
Тибқи иттилои дафтари матбуоти Вазорати нақлиёт, дар назар аст, ки парвозҳо дар самти «Мадрид – Тошканд – Мадрид» дар як сол аз 7 то 12 маротиба анҷом дода шаванд.
"Ташкили парвозҳо аз Испания ба Ӯзбекистон як қадами муҳим дар роҳи роҳандозии гардиши мусофирон аз Аврупои Ғарбӣ ба Ӯзбекистон хоҳад буд", - гуфт менеҷери истифодабарӣ ва барномасозии W2M Travel Ҳюго Ромеро.
Ташкилкунандаи ин хатсайри чартерӣ туроператори «Avrud» буд, ки ҳадафаш рушди сайёҳӣ ва афзоиши гардиши сайёҳон ба Ӯзбекистон мебошад. Дар доираи ин сафар сайёҳон аз Испания аз шаҳрҳои асосии таърихии кишвар: Тошканд, Самарқанд, Бухоро ва Хива дидан мекунанд.
Барои маълумот: World2Fly як ширкати ҳавопаймоии мусофирбарии испанӣ мебошад, ки соли 2020 таъсис ёфта, қароргоҳаш дар Палма-де-Майорка ҷойгир аст. Нақшаҳои ояндаи ширкати ҳавопаймоӣ амалӣ намудани шумораи боз ҳам бештари парвозҳои чартерӣ ва рушди бозори сайёҳии Испания ва Ӯзбекистонро дар бар мегиранд.
