«Сармоягузорӣ ба “Оҳангарансемент”, мисли ҳама сармоягузориҳои USM дар Ӯзбекистон, пеш аз ҳама ба рушди ин кишвар, ватани хурди Алишер Усмонов, саҳҳоми асосии USM нигаронида шудааст. Тамоми фоидае, ки дар ин ҷо ба даст меояд, дар Ӯзбекистон мемонад ва ба рушди иҷтимоию иқтисодии ҷумҳурӣ равона карда мешавад, — гуфт раиси Шурои директорони корхонаи «Аккерман цемент» Антон Селявко.
Ба андешаи ӯ, дар Ӯзбекистон талабот ба манзили босифат пайваста меафзояд, ки ин ба афзоиши истеҳсоли семент мусоидат мекунад. Ҳамчунин хабар дода мешавад, ки ба даст овардани бастаи саҳмияҳо бо ҷалби маблағгузорӣ аз “Газпромбонк”, ки шарики стратегии молиявии “Аккерман цемент” аст, сурат гирифтааст.
Барои маълумот: ширкати бисёрсоҳавии холдингии Русия USM ба активҳои соҳаҳои металлургӣ, саноати истихроҷи маъдан, телекоммуникатсия ва ғайра соҳиб буда, онҳоро идора мекунад.
