Ин тамринҳо, ки аз соли 2019 инҷониб баргузор мешаванд, ба рушди ҳамкориҳои ҳарбӣ миёни ду кишвар ва таҳкими он равона гардидаанд. Онҳо навбат ба навбат дар қаламрави Ӯзбекистон ва Ҳиндустон баргузор мешаванд.

Хусусан, соли 2024 дар доираи тамринҳои «Дӯстлик-2024» мутахассисони ҳарбии Ӯзбекистон ва Ҳиндустон дар машқгоҳи «Термиз» таҷрибаи худро мубодила намуданд.

Дар маросими ботантанаи ифтитоҳи тамринҳои имсола намояндагони ҳайатҳои ҳарбии ҳар ду кишвар иштирок карданд. Таъкид гардид, ки тамринҳои муштарак ба таҳкими муносибатҳои дуҷониба дар соҳаи ҳарбӣ, инчунин ба боло бурдани дониш, маҳорати амалӣ ва таҷрибаи хизматчиёни ҳарбӣ мусоидат мекунанд.

Тавре ки Департаменти иттилоот ва коммуникатсияҳои оммавии Вазорати мудофиа хабар медиҳад, ин тамринҳои муштарак то 28 апрел идома хоҳанд ёфт.