Маркази амнияти киберӣ оид ба ин ҳолат баёноти расмӣ нашр намуда, иттилоъ додааст, ки ҳоло корҳои таҳқиқотӣ идома доранд.
Бино ба маълумоти хадамоти иттилоотии марказ, пас аз анҷоми омӯзишҳои ҷорӣ маълумоти иловагӣ пешниҳод хоҳад шуд. Ҳамзамон, мутахассисон аз шаҳрвандон даъват менамоянд, ки ҳангоми истифодаи шабакаи интернет ба амнияти маълумоти шахсии худ диққати бештар диҳанд.
Мутахассисони соҳаи киберамният ба шаҳрвандон риояи чораҳои зерини бехатариро тавсия медиҳанд:
Ба ҳеҷ ваҷҳ ба шахсони сеюм ошкор накардани маълумоти шахсӣ;
Даст кашидан аз паролҳои сода, истифодаи логин ва паролҳои мураккаб ҳангоми ворид шудан ба низомҳои электронии давлатӣ ва дигар платформаҳо;
ворид Накардани маълумоти худ дар пайвандҳои шубҳанок (линкҳо) ва аз ҳамлаҳои фишингӣ эҳтиёт шудан.
Ёдовар мешавем, ки таъмини дахлнопазирии маълумоти шахсӣ на танҳо ба низомҳои техникӣ, балки ба риояи қоидаҳои кибергигиена аз ҷониби худи истифодабарандагон низ вобастагӣ дорад. Эълони маълумоти муфассал оид ба натиҷаҳои омӯзиш аз тариқи каналҳои расмӣ пешбинӣ шудааст.
