Солҳои охир дар мамлакати мо ҷиҳати ҳифзи табиат, беҳтар кардани сифати ҳавои атмосфера, зиёд намудани минтақаҳои сабз ва мутобиқ шудан ба тағйирёбии иқлим корҳои васеъмиқёс амалӣ мегарданд. Вале дар натиҷаи парокандагӣ дар низоми мавҷуда, тақсим шудани масъулият ва ваколатҳои байни идораҳои гуногун, натиҷаи корҳо на ҳамеша дар сатҳи интизорӣ сурат мегиранд.
Бинобар ин, дар ҷамъомад пешниҳодҳо, ки барои такмили идоракунӣ дар соҳа таҳия шудаанд, баррасӣ гардиданд.
Пешниҳод шуд, ки татбиқсозӣ ва маблағгузории лоиҳаҳое, ки ба беҳтар намудани сифати муҳити зист, поксозии ҳавои атмосфера дар шаҳрҳо, рушди минтақаҳои сабз, ташаккули муносибати масъулона нисбат ба табиат ва ҳифзи мероси табиӣ ба таври мутамарказ амалӣ гарданд.
Дар бораи нақшаи тибқи тамоюлҳои нав роҳандозӣ намудани назорати экологӣ ва васеъ кардани ваколатҳои мақомоти масъул маълумот дода шуд.
Андешидани чораҳои фаврӣ алайҳи қонуншиканиҳо дар соҳа, пешгирии буридани ғайриқонунии дарахтон, ифлосшавии ҳаво, механизмҳои густариши иштироки ҷомеа, инчунин, такмили танзими экологӣ дар саноат ва таъмини ҳифзи минтақаҳои сабз дар маҳалҳои аҳолинишин баррасӣ шуданд.
Президент пешниҳодҳои матраҳшударо ҷонибдорӣ намуда, дастур дод, ки онҳо дар заминаи беҳтар кардани сифат ва самаранокии идоракунӣ, тақвияти назорат ва баланд бардоштани масъулият такмил дода шаванд.
