Масъалаҳои рушди минбаъдаи муносибатҳои дуҷонибаи шарикии стратегӣ ва тавсеаи ҳамкориҳои ҳамаҷониба баррасӣ шуданд.
Бо қаноатмандӣ зикр гардид, ки тавофуқоти дар сатҳи олӣ дар ҷараёни мулоқоти Рим моҳи июни соли 2023 бадастомада пай дар пай амалӣ мешаванд.
Давоми чанд соли охир ҳаҷми гардиши мол тақрибан 3 маротиба, аз ҷумла ба ҳисоби васеъ шудани номгӯи содироту воридоти дуҷониба афзоиш ёфтааст.
Шумораи корхонаҳо ва лоиҳаҳои муштарак ду маротиба зиёд шудааст.
Ҳамкории мутақобилан судманд бо ширкатҳои пешқадами Италия дар соҳаҳои металлургия, саноати электртехникӣ, кишоварзӣ, чорводорӣ, сайёҳӣ ва дигар самтҳо ба роҳ монда шудааст.
Ҳайати Ӯзбекистон дар биенналеи Венетсия фаъолона иштирок кард, ҳамчунин дар Флоренсия намоишгоҳ баргузор гардид. Моҳи декабри соли гузашта дар Рим ва Виареджо Рӯзҳои фарҳанги Ӯзбекистон доир шуданд.
Филиалҳои донишгоҳҳои Турин ва Пизан дар кишвари мо бомуваффақият фаъолият мекунанд. Моҳи апрел Форуми дуюми ректорон босамар баргузор шуд.
Ҷонибҳо идомаи мубодилаи фаъоли сиёсиро ҷонибдорӣ карданд.
Бо муассисаҳои Иттиҳоди Аврупо бо дарназардошти натиҷаҳои саммити пурсамар дар Самарқанд дар моҳи апрели соли ҷорӣ ҳамкориҳои фаъол идома хоҳанд ёфт. Муҳимияти баргузор кардани саммити «Осиёи Марказӣ–Италия» бо таваҷҷуҳи махсус ба натиҷаҳои амалӣ таъкид шуд.
Тавофуқ ба даст омад, ки барномаҳои кумакҳои техникӣ ба соҳаи тиҷорат васеъ карда шаванд. Сухан дар бораи омӯзиши содиротчиёни Ӯзбекистон барои ворид шудан ба бозори Иттиҳоди Аврупо, таъсиси Маркази муштараки сертификатсионӣ дар шаҳри Тошканд ва суръат бахшидан ба қабули Созишнома оид ба баҳогузории мутобиқат меравад.
Сарвари давлати мо пешниҳод кард, ки Барномаи шарикӣ дар соҳаи технология бо ширкатҳои пешрафтаи Италия роҳандозӣ шавад.
Ҳамчун самтҳои афзалиятнок лоиҳаҳои инноватсионии соҳибкории хусусӣ, коркарди амиқи минералҳои стратегӣ ва ашёи хоми кишоварзӣ, истеҳсоли базаи компонентӣ барои соҳаи мошинсозӣ, маҳсулоти арзиши баланд дар соҳаҳои электртехникӣ, энергетика, саноати хӯрокворӣ, дорусозӣ, сохтмон ва таъсиси марказҳои дизайн барои соҳаҳои нассоҷӣ, чармгарӣ, истеҳсоли мебел ва дигар соҳаҳо муайян карда шуданд.
Ин гуна лоиҳаҳо метавонанд дар парки махсуси саноатие, ки дар вилояти Тошканд бо иштироки оператори аврупоӣ таъсис меёбад, ҷойгир карда шаванд.
Барои роҳандозии механизмҳои нави дастгирии лоиҳаҳо масъалаи таъсиси фонди муштараки сармоягузорӣ ва ҷалби агентиҳои давлатии Италия – «SACE» ва «SIMEST» мавриди баррасӣ қарор хоҳад гирифт.
Ба рушди ҳамкориҳои илмӣ-технологии ҳамаҷониба дар соҳаи кишоварзӣ дар асоси «харитаи роҳ»-и мукаммал таваҷҷуҳи махсус зоҳир гардид. Пешомади кооператсия дар самтҳои парвариши ангур, зардолуву зайтун, шафран ва испаржа, таъсиси озмоишгоҳҳои аграрӣ, рушди биотехнология ва ҷорӣ намудани суғуртаи кишоварзӣ гардид.
Бо мақсади пешбурди лоиҳаҳои нав, ҷонибҳо ба мувофиқа расиданд, ки кори Гурӯҳи байниҳукуматиро аз нав ба роҳ монанд ва ҷаласаи онро ҳамроҳ бо форуми тиҷоратӣ баргузор кунанд.
Дар доираи густариши ҳамкориҳои шарикӣ миёни минтақаҳои Ӯзбекистон ва Италия аҳамияти ноил шудан ба натиҷаҳои амалӣ дар ҷараёни сафари пешомадаи губернатори Ломбардия Аттилио Фонтана ва баргузории нахустин форуми минтақавӣ таъкид гардид.
Дар соҳаи маориф нақшаҳои таъсиси филиали Донишгоҳи Тушия дар Ӯзбекистон, инчунин роҳандозии барномаҳои дипломҳои дугона бо донишгоҳҳои Пизан, Тренто, Рома Тре ва Ка-Фоскари ҷонибдорӣ ёфтанд.
Дар бораи баргузор кардани Рӯзҳои фарҳанги Италия дар Ӯзбекистон тавофуқ ҳосил шуд.
Бо қаноатмандӣ зикр гардид, ки дар ҷараёни ин сафари кунунӣ Созишнома дар соҳаи муҳоҷирати меҳнатӣ ба имзо расид, ки ба ташкили ҳамкории низомнок дар ин самт равона шудааст.
Дар поёни мулоқот қарор қабул шуд, ки барои татбиқи тавофуқоти бадастомада «харитаи роҳ»-и мукаммал таҳия карда шавад.
