Масъалаҳои таҳкими минбаъдаи муносибатҳои шарикии стратегӣ байни Ӯзбекистон ва ИМА, инчунин густариши ҳамкории амалӣ миёни парламентҳои ду кишвар баррасӣ гардиданд.
Бо қаноатмандӣ таъкид гардид, ки робитаҳои байни мақомотҳои қонунгузор босуръат ривоҷ меёбанд ва фаъолияти самарабахши Гурӯҳи ҳамкории Конгресс бо Ӯзбекистон идома дорад. Ҳамасола бо дастгирии ин Гурӯҳ дар Палатаи намояндагон “Рӯзҳои Ӯзбекистон” баргузор мегарданд, ки ба таҳкими муносибатҳои ӯзбекистониву амрикоӣ мусоидат мекунанд.
Таъкид гардид, ки Конгресс бояд ба татбиқи амалии созишномаҳои сатҳи олӣ, пеш аз ҳама дар самти таҳкими робитаҳои тиҷоратӣ-иқтисодӣ, сармоягузорӣ ва фарҳангӣ-инсонпарварона ҳамаҷониба мусоидат намояд.
Ба масъалаи густариши робитаҳои байниминтақавӣ, аз ҷумла, ба роҳ мондани ҳамкории амалӣ бо иёлатҳои Вирҷинияи Ғарбӣ, Мичиган ва Калифорния, ки намояндагонашон дар мулоқот ширкат доштанд, таваҷҷуҳи махсус зоҳир гардид.
Дар анҷоми мулоқот ҷонибҳо оид ба ташкили сафари намояндагони Конгресси ИМА ба Ӯзбекистон, инчунин табодули ҳайатҳои соҳибкорӣ таҳти роҳбарии роҳбарони минтақаҳо ба мувофиқа расиданд.
