Дар оғози мулоқот меҳмони олимақом ба сарвари мамлакат салому паёми самимии Подшоҳи Урдун Абдулло II ибн ал-Ҳусайнро расонд.
Дар доираи татбиқи созишномаҳои сатҳи олӣ, ки дар Самарқанд ба даст омада буданд, масъалаҳои муҳими рушди минбаъдаи муносибатҳои шарикии ҳамаҷонибаи Ӯзбекистон ва Урдун баррасӣ гардиданд.
Фаъол гардидани робита ва мубодилаҳои дуҷониба бо қаноатмандӣ таъкид гардид. Ҳаҷми савдои мутақобила ва шумораи корхонаҳои муштарак рӯ ба афзоиш доранд.
Зарурати фаъолсозии кори «гурӯҳҳои дӯстӣ»-и байнипарлумонӣ дар асоси «харитаи роҳ» ва тақвияти нақши онҳо дар татбиқи самараноки созишҳо, ки байни сарони давлатҳо ба даст омадаанд, таъкид гардид.
Ба густариши ҳамкориҳо дар соҳаҳои савдо, кооператсияи саноатӣ, сайёҳӣ ва бахшҳои фарҳангиву гуманитарӣ диққати махсус дода шуд.
Бахусус, зарурати дар сатҳи баланд ва натиҷабахш баргузор намудани ҷамъомади нахустини Комиссияи байниҳукуматӣ ва форуми тиҷоратии ширкатҳои пешсаф, ки имсол дар шаҳри Тошканд баргузор мегарданд, таъкид шуд.
Ҳамчунин, аз рӯйи масъалаҳои мубрами байналмилалӣ ва минтақавӣ табодули афкор сурат гирифт.
