Ба гуфтаи муаллифони маърӯза, ки дар якҷоягӣ бо Созмони ҷаҳонии туризми СММ (ЮНВТО) пешниҳод шудааст, дар соли 2020 сайёҳии байналмилалӣ ва соҳаҳои ба ҳам наздик аллакай ба андозаи 2,4 триллион доллар хисорот дидаанд. Зарари ба ин арзиш муқоисашавандаро имсол низ сабт кардан мумкин аст.
Ҳамин тавр, дар давраи аз январ то декабри соли 2020 шумораи сайёҳони хориҷӣ дар ҷаҳон тақрибан як миллиард нафар, ё 73 фоиз коҳиш ёфтааст. Дар семоҳаи аввали соли 2021 маълумоти бадастомада 88 фоиз коҳиш ёфтани ин нишондиҳандаро нишон медиҳад, хабар медиҳад хидмати ахбори СММ.
Ба гуфтаи муаллифони гузориш, барқароршавии сектори сайёҳӣ бештар аз сатҳи дастрасии ваксинаҳо алайҳи COVID-19 вобаста хоҳад буд. "Ҷаҳон ба саъйи ҳамбастагии ҷаҳонӣ оид ба эмкунӣ ниёз дорад", - гуфт иҷрокунандаи вазифаи дабири кулли ЮНКТАД Изабел Дюрант.
Ҳисобот нишон медиҳад, ки ваксина алайҳи COVID-19 номунтазм мегузарад: дар баъзе минтақаҳо камтар аз як фоизи аҳолӣ, дар дигар минтақаҳо - беш аз 60 фоиз эм карда шудаанд. Дар натиҷаи ин ҳолат талафот аз туризм дар аксари кишварҳои мутараққӣ коҳиш ёфта, ҳамзамон дар кишварҳои рӯ ба тараққӣ меафзояд.
Интизор меравад, ки бахши сайёҳӣ дар кишварҳое чун Фаронса, Олмон, Швейтсария, Британияи Кабир ва ИМА зудтар барқарор шавад. Бо вуҷуди ин, ҳатто дар кишварҳои пешрафта барқарории пурраи сайёҳии хориҷиро, ба ақидаи коршиносон, набояд то соли 2023 интизор шуд.
Кишварҳои рӯ ба тараққӣ аз ҳама бештар аз пандемия азият мекашанд: дар соли 2020 онҳо ба якбора коҳиш ёфтани шумораи сайёҳон дар ҷаҳон - 60-80 фоиз аз сар гузаронданд. Минтақаҳои аз ҳама зарардида Осиё Шимолу Шарқӣ ва Ҷанубу Шарқӣ, Уқёнусия, Африқои Шимолӣ ва Осиёи Ҷанубӣ буданд.
Пешбинӣ шудааст, ки туризми байналмилалӣ дар нимаи дуюми соли равон каме ҷунбиш ба амал хоҳад омад, аммо ҳисоботи ЮНКТАД ҳанӯз ҳам ба талафоти эҳтимолии соҳа ба миқдори аз 1,7 то 2,4 триллион доллар нисбат ба дараҷаи соли 2019 ишора мекунад.
Тибқи ин маърӯза, коҳиши туризм ба ҳисоби миёна ба 5,5 фоиз афзоиш ёфтани бекорӣ меорад. Дар кишварҳое, ки иқтисодиёт бо бизнеси сайёҳӣ сахт алоқаманд аст, ин рақам метавонад то 15 фоизро ташкил диҳад.