Консепсияи павилиони кишвари мо бо номи «Устуворӣ дар дохил» бар асоси ҳавлии анъанавии ӯзбекӣ таҳия шудааст, ки рамзи дили хонаи ӯзбекӣ ва образи гармии хонаводагиро таҷассум мекунад. Павилион бо истифода аз масолеҳи устувор, анъанавӣ ва усулҳои қадимӣ, ки дар раванди вақт озмуда шудаанд ва бо иқлими кишвари мо мутобиқ карда шудаанд, сохта шудааст.

Қайд кардан лозим аст, ки дар рӯзҳои саммит дар ин майдон зиёда аз 30 чорабинӣ баргузор мешавад, ки масъалаҳои асосии иқлимии Ӯзбекистон ва минтақаи Осиёи Марказӣ, аз ҷумла таназзули замин ва биёбоншавӣ, ҳифзи гуногунии биологӣ, устувории иқлимии шаҳрҳо ва барқароркунии ҳавзаи Аралро дар бар мегиранд,.

Ҳамчунин, Хонуми аввали Ӯзбекистон ҳамроҳ бо Хонумони аввали Озарбойҷон – Меҳрибан Алиева, Туркия – Эмине Эрдоған ва Қирғизистон – Айгул Ҷапарова ба павилиони «Маркази ҳамраъйӣ» ташриф оварданд. Ин павилион дар доираи ташаббуси «Сифр партов», ки аз ҷониби ҳамсари Президенти Туркия дастгирӣ мешавад ва бо кӯмаки Фонди Ҳайдар Алиев, ки ҳамсари Президенти Озарбойҷон роҳбарӣ мекунад, кушода шудааст.

Ба меҳмонони олимақом маълумоти муфассал дар бораи лоиҳаҳои созмонҳои зикршуда дар соҳаҳои идораи партовҳо, коркарди дубора, барномаҳои экологӣ ва ҳалли инноватсионӣ, инчунин дар соҳаҳои маориф, тандурустӣ, фарҳанг ва ҳифзи муҳити зист пешниҳод шуд.

Дар ҳамин ҷо маросими оғози маъракаи шинондани дарахтон дар шаҳри Шемахи Озарбойҷон баргузор гардид. Хонумони аввали чор кишвар аз фосила ба чорабиниҳои сабзкунии муҳити зист оғоз бахшиданд.