26 феврал дар Маркази конгресси байналмилалии шаҳри Тошканд маросими ботантанаи истиқболи расмии Сарвазири Ҷумҳурии Исломии Покистон Шаҳбоз Шариф, ки бо сафари расмӣ ба кишвари мо омадааст, баргузор гардид.
Президенти Ҷумҳурии Ӯзбекистон Шавкат Мирзиёев меҳмони олиқадрро самимона пазироӣ намуда, ӯро ба шоҳсуфа даъват кард. Оркестри ҳарбӣ сурудҳои миллии ҳар ду кишварро иҷро намуд.
Сарони давлатҳо аз назди сафҳои қаровули фахрӣ гузаштанд ва ба ҳамдигар аъзои ҳайатҳои расмиро муаррифӣ карданд.
Баъди аксбардории муштарак музокирот дар формати маҳдуд оғоз шуд.
Президенти Ҷумҳурии Ӯзбекистон Шавкат Мирзиёев бо Роҳбари миллии халқи туркман, Раиси Халқ Маслаҳатии Туркманистон Гурбангулӣ Бердимуҳамедов аз намоишгоҳи «Саробҳои замон», ки дар маркази байналмилалии сайёҳӣ дар шаҳри Самарқанд ташкил шудааст, боздид намуданд.
Президенти Ҷумҳурии Ӯзбекистон Шавкат Мирзиёев ва Роҳбари миллии халқи туркман, Раиси Халқ Маслаҳатии Туркманистон Гурбангулӣ Бердимуҳмедов якҷоя дар хиёбони меҳмонони фахрии Маркази Конгрессии шаҳри Самарқанд дарахти дуб шинонданд.
Президенти Ҷумҳурии Ӯзбекистон Шавкат Мирзиёев ва Роҳбари миллии халқи туркман, Раиси Халқ Маслаҳати Туркманистон Гурбангулӣ Бердимуҳамедов якҷо дар чорабиниҳои фарҳангӣ, ки дар ҳудуди боғи таърихиву этнографии «Шаҳри абадӣ» дар Маркази байналмилалии сайёҳии «Silk Road Samarkand» баргузор гардиданд, иштирок карданд.
Дар доираи барномаи чорабиниҳо дар шаҳри Самарқанд Президенти Ҷумҳурии Ӯзбекистон Шавкат Мирзиёев ва Роҳбари миллии халқи туркман, Раиси Халқ Маслаҳати Туркманистон Гурбангулӣ Бердимуҳамедов якҷо аз маҷмааи Ҳазрати Хизр боздид ба амал оварданд ва хотираи Президенти аввали кишварамонро пос доштанд.
