26-февраль күни Ташкент қаласындағы Халықаралық конгресс орайында мәмлекетимизге рәсмий сапар менен келген Пакистан Ислам Республикасы Бас министри Шаҳбоз Шарифти рәсмий күтип алыўға бағышланған салтанатлы мәресим болып өтти.
Өзбекстан Республикасы Президенти Шавкат Мирзиёев жоқары мәртебели мийманды қызғын қутлықлап, минберге мирәт етти. Әскерий оркестр еки елдиң мәмлекетлик гимнлерин атқарды.
Жетекшилер ҳүрметли қараўыл қатары алдынан өтип, рәсмий делегациялардың ағзаларын бир-бирине таныстырды.
Биргеликте сүўретке түсирилгеннен кейин тар шеңбердеги сөйлесиўлер басланды.
