Дар ҷараёни сафар ба Ӯзбекистон ҳайати хориҷӣ аз ҷойҳои ҷолиби диққат ва сайёҳии Самарқанд, Бухоро, вилоятҳои Тошканд ва шаҳри Тошканд дидан карданд.
Дар рӯзи аввали сафар меҳмонон аз ҷойҳои ҷолиби Самарқанд дидан намуда, бо иқтидори сайёҳии вилоят шинос шуданд. Мулоқот байни Раёсати туризми вилояти Самарқанд бо намояндагони соҳаи сайёҳии Султонати Уммон баргузор гардид. Дар он намояндагони 12 ширкати сайёҳӣ, ки дар вилояти Самарқанд фаъолият мекунанд, низ ширкат доштанд. Ҷонибҳо масъалаҳои таҳкими ҳамкорӣ ва афзоиши гардиши сайёҳии дуҷонибаро баррасӣ намуда, ҳамчунин мулоқотҳо дар формати B2B ташкил карда шуданд.
Ҳамчунин, дар ҷараёни сафар ба кишвари мо намояндагони ҳайати хориҷӣ бо шароит ва инфрасохтори замонавӣ барои лижаронӣ ва сноуборд дар осоишгоҳи лижаронии Амирсой дар вилояти Тошканд шинос шуданд.
Сафари ҳайати вакилони султонати Уммон ба шаҳри Бухоро ташкил карда шуд. Меҳмонон ансамбли Лаби Ҳавз, марказҳои савдо, маҷмааи Пои Калон, калъаи Арк, мадрасаи Чор-Минор ва як катор ҷойҳои таърихии маркази таърихии Бухороро тамошо карданд.
